டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
திருமுருகன் இயக்கிய 'முனியாண்டி விலங்கியல் மூன்றாம் ஆண்டு' படத்தின் மூலம் அறிமுகமானவர் பூர்ணா. விஜயால் 'சின்ன அசின்' என்று பாராட்டப்பட்டவர். அதற்கு பிறகு பல படங்களில் அவர் நடித்திருந்தாலும் எந்த படமும் அவருக்கு நல்ல இடத்தை தரவில்லை. சிறிய இடைவெளிக்குப் பிறகு அவர் தற்போது 'சவரக்கத்தி' என்ற படத்தில் நடித்து வருகிறார். மிஷ்கின் கதையை அவரது உதவியாளர் ஜி.ஆர்.ஆதித்யா இயக்குகிறார். ஆரல் குரோலி இசை அமைக்கிறார். மிஷ்கின் தயாரித்து முக்கிய கேரக்டரில் நடிக்கிறார்.
இது ஒரு சவரத் தொழிலாளியின் வாழ்க்கையை பற்றிய கதை. இயக்குனர் ராம் சவரத் தொழிலாளியாகவும், பூர்ணா அவரது மனைவியாகவும் நடிக்கிறார். பூர்ணா கர்ப்பமாக இருக்கும்போது நடக்கும் சம்பவங்களை கொண்ட திரில்லர் கதை. மிஷ்கின் வில்லன். இரண்டு ஜாம்பவான்கள் இணைந்திருக்கும் படம் என்பதால் இந்தப் படம் தனக்கான இடத்தை பெற்றுத் தரும் என்று நம்புகிறார் பூர்ணா.
“பல ஹீரோயின்கள் நடிக்க மறுத்த கதை. இப்படி ஒரு கேரக்டர் எனக்கு திரும்ப கிடைக்குமா என்பது சந்தேகம் தான். என் முழு உழைப்பையும் கொடுத்திருக்கிறேன். ராம் சாரும், மிஷ்கின் சாரும் சிறந்த இயக்குனர்கள். அவர்கள் என் நடிப்பை பாராட்டியபோது சந்தோஷமாக இருந்தது. சிலர் விருது கிடைக்கும் என்றார்கள். நான் அந்த அளவிற்கு ஆசைப்படவில்லை. தமிழில் நல்ல இடம் கிடைத்தால் போதும்” என்கிறார் பூர்ணா.