‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
இசையமைப்பாளராக இருந்த ஜிவி பிரகாஷ், ‛டார்லிங்' படத்தின் மூலம் நடிகராகவும் அறிமுகமானார். தொடர்ந்து த்ரிஷா இல்லேன்னா நயன்தாரா, பென்சில் படங்களில் நடித்தார். இதில் த்ரிஷா இல்லேன்னா நயன்தாரா படம் ஹிட்டாக அமைய ஜிவி மீது அனைவரின் பார்வையும் திரும்பியது. தொடர்ந்து இரண்டு மூன்று படங்கள் கைவசம் வைத்திருக்கிறார்.
சமீபத்தில் இவரது நடிப்பில் ‛எனக்கு இன்னொரு பேர் இருக்கு' படம் வெளியானது. இப்படத்திற்கு எதிர்பார்த்த வரவேற்பு இல்லை. இதனிடையே படம் வெளியான இரண்டு தினங்களுக்குள் இப்படம் திருட்டுத்தனமாக இணையத்தில் வெளியாகியுள்ளது படக்குழுவை அதிர்ச்சிக்குள்ளாக்கியுள்ளது.
இந்நிலையில், ஜிவி பிரகாஷ், இயக்குநர் சாம் ஆன்டன் ஆகியோர் சென்னை கமிஷனரை சந்தித்து, ‛எனக்கு இன்னொரு பேர் இருக்கு' படத்தை திருட்டுத்தனமாக இணையத்தில் வெளியிட்டவர்கள் மீது நடவடிக்கை எடுக்க கோரி புகார் அளித்தனர்.
பின்னர் செய்தியாளர்களிடம் பேசிய ஜிவி பிரகாஷ் குமார், ‛‛சினிமா என்பது ஒருத்தர் சம்பந்தப்பட்ட தொழில் அல்ல, தியேட்டரில் பாப்கான் விற்பவர் கூட அதனால் பயன் அடைவார். படங்கள் தியேட்டரில் தான் வெளியாக வேண்டும். படத்தை திருட்டுத்தனமாக வெளியிடுபவர்கள் மீது நடவடிக்கை எடுக்க அரசும் உதவ வேண்டும் என்றார்.