இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ஜூலை 1-ம் தேதி வெளியாகும் என எதிர்பார்க்கப்பட்ட கபாலி படம் ஜூலை 15 ஆம் தேதிக்கு தள்ளி வைக்கப்பட்டிருக்கிறது. எனவே கபாலி வருவதாக சொல்லப்பட்ட ஜூலை 1 அன்று மிர்ச்சி சிவாவும், பவர்ஸ்டார் சீனிவாசனும் இணைந்து நடித்த அட்ரா மச்சான் விசிலு படம் வெளியாகிறது.
அதேநாளில் தரணிதரன் இயக்கத்தில் சத்யராஜ், சிபிராஜ் நடித்திருக்கும் ஜாக்சன் துரை படமும் வெளியாகும் என அறிவிப்பு வெளியாகியுள்ளது. பர்மா படத்தில் வித்தியாசமான கதைக்களம் மூலம் கவனத்தை ஈர்த்தவர் இயக்குநர் தரணிதரன்.
அப்படத்தைத் தொடர்ந்து சத்யராஜ், சிபிராஜ் நடிக்க ஜாக்சன் துரை என்று படத்தை இயக்கி வந்தார். கிரீன் புரடக்ஷன்ஸ் சரவணன் தயாரித்துள்ள இப்படத்தை சரியாக திட்டமிட்டு 35 நாட்களில் முழுப் படப்பிடிப்பையும் முடித்திருக்கிறார் இயக்குநர் தரணிதரன்.
ஜாக்சன் துரை படத்தின் இறுதிகட்ட பணிகள் முடிந்ததைத் தொடர்ந்து தணிக்கை குழுவுக்கு அண்மையில் திரையிட்டுக்காட்டினார்கள். இப்படத்துக்கு U/A சான்றிதழ் அளித்திருக்கிறார்கள் தணிக்கைக்குழுவினர். இப்படத்தின் தமிழ்நாடு வெளியீட்டு உரிமையை தேனாண்டாள் பிலிம்ஸ் நிறுவனம் வாங்கியுள்ளது. ஜாக்சன் துரை படம் ஜூலை 1-ம் தேதி வெளியாகும் என்ற தகவலையும் தனது ட்விட்டர் பக்கத்தில் தேனாண்டாள் பிலிம்ஸ் அறிவித்திருக்கிறது.