நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் | தன் படங்களின் அப்டேட் கொடுத்த ஜிவி பிரகாஷ்குமார் | 'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா? |
தமிழ்த் திரையுலகத்தில் விஜய், அஜித் ரசிகர்கள்தான் தற்போது அதிகம் சீனியர் நடிகர்களான ரஜினிகாந்த், கமல்ஹாசன் ஆகியோருக்குக் குறைந்துவிட்டார்கள் என கடந்த சில வருடங்களாகவே சிலர் சொல்லிக் கொண்டு வந்தனர். ஆனால், இன்னமும் அந்த சீனியர் நடிகர்கள் மீதான வரவேற்பு ரசிகர்களிடம் குறையவில்லை என்று இன்று வெளியான கபாலி டீசர் நிரூபித்துள்ளது.
குறிப்பாக ரஜினிகாந்த் என்றாலே ஏதாவது ஒரு புதுமைதான், சாதனைதான் என்பது மீண்டும் நிரூபணமாகியுள்ளது. இன்று காலை 11 மணிக்கு வெளியான கபாலி டீசர் வெளியான 5 நிமிடங்களுக்குள்ளேயே 40000 ஹிட்ஸ்கள், 40000 லைக்குகள் என அசத்தலாக ஆரம்பித்தது. அதன் பின் யு டியூப் ஹிட்ஸ்களின் எண்ணிக்கையை அப்டேட் செய்யாமலே இருந்தது. லைக்குகளின் எண்ணிக்கை மட்டும் ஏறிக் கொண்டே இருந்தது.
20 நிமிடங்களில் 40000 லைக்குகள், 30 நிமிடங்களில் 60000, 50 நிமிடங்களில் 75000, 1 மணி நேரத்தில் 85000, 1 மணி நேரம் 10 நிமிடத்தில் 90000, 1 மணி நேரம் 30 நிமிடத்தில் 100000, 2 மணி நேரத்தில் 1,30,000, 4 மணி நேரத்தில் 1,50,000, 7 மணி நேரத்தில் 1,65,000 லைக்குகள் என ஏறிக் கொண்டேயிருக்கிறது.
அதே சமயம் 1 மணி நேரத்திற்குள்ளாகவே 1 மில்லியன், அதாவது 10 லட்சம் ஹிட்ஸ்களைத் தொட்டதாக தயாரிப்பாளர் தரப்பிலிருந்து தெரிவிக்கப்பட்டது. சற்று முன்னர் வரை(மாலை 6.40மணி) 18,84,000 ஹிட்ஸ்களைக் கடந்து தனிப் பெரும் சாதனையை நிகழ்த்தியுள்ளது.
வேதாளம் பட டீசரை, தெறி படத்தின் டீசர் முறிடியத்தது. தெறி டீசரை தற்போது கபாலி முறியடித்துள்ளது. 60 வயதைக் கடந்த ஒரு நடிகராக இருந்தும் அனைத்து ரசிகர்களின் அமோக ஆதரவு ரஜினிக்கு எப்போதுமே உண்டு என்று இன்றைய கபாலி டீசரின் சாதனை இந்தியத் திரையுலகில் புரிய வைக்கப்பட்டுள்ளது.
டிவிட்டரில் இந்திய அளவில் மட்டுமல்லாது, உலக அளவிலும் டிரென்டிங்கில் தொடர்ந்து பல மணி நேரங்கள் இருந்ததும் மற்றுமொரு சாதனை.
வழக்கம் போல மீம்ஸ் கிரியேட்டர்கள் விதவிதமான மீம்ஸ்களை உருவாக்கி தெறிக்க விட்டுக் கொண்டிருந்தனர்.
கபாலி டீசர் மட்டுமே இன்றைய கொண்டாட்டத்தில் முக்கிய இடத்தைப் பிடித்திருந்தது என்பது குறிப்பிடத்தக்கது.