டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'ஈட்டி' படத்தை தொடர்ந்து அதர்வா நடிப்பில் இந்த வாரம் வெளிவரவிருக்கும் படம் - கணிதன். இப்படத்தை டி.என்.சந்தோஷ் இயக்கியிருக்கிறார். இவர் ஏ.ஆர்.முருகதாஸிடம் உதவியாளராக இருந்தவர். கணிதன் படத்தில் அதர்வாவுக்கு ஜோடியாக கேத்ரின் தெரெசா நடித்துள்ளார். வில்லனாக தருண் அரோரா நடித்துள்ளார். இவர்களுடன் கே.பாக்யராஜ், கருணாகரன், 'ஆடுகளம்' நரேன், சுந்தர் ராமு உட்பட பலர் நடித்திருக்கிறார்கள். 'டிரம்ஸ்' சிவமணி இசை அமைத்துள்ளார். செல்வராகவனின் ஆஸ்தான ஒளிப்பதிவாளரான அரவிந்த் கிருஷ்ணா ஒளிப்பதிவு செய்துள்ளார்.
அதர்வா நடிப்பில் சமீபத்தில் கடந்த டிசம்பரில் ரிலீசாகி வெற்றிகரமாக ஓடிய படம் 'ஈட்டி'. அந்தப் படத்தில் ஓட்டப் பந்தய வீரராக சிறப்பாக நடித்திருந்தார் அதர்வா! 'ஈட்டி' படத்தின் வெற்றியைத் தொடர்ந்து வெளிவரும் படம் என்பதால் ரசிகர்கள் மத்தியில் மட்டுமல்ல, தியேட்டர்காரர்கள் மத்தியிலும் கணிதன் படத்துக்கு மிகப்பெரிய எதிர்பார்ப்பு ஏற்பட்டுள்ளது. 'கணிதன்' படத்தின் டிரைலரும், பாடல்களும் சமீபத்தில் வெளியாகி ரசிகர்களிடையே பெரும் வரவேற்பு பெற்றது. எனவே கணிதன் படத்தைத் திரையிட தியேட்டர்காரர்கள் மத்தியில் கடும்போட்டி உருவானது.
இந்நிலையில் லிங்கா விவகாரம் தொடர்பாக தாணு மீது கடுப்பில் இருந்த செங்கல்பட்டு ஏரியா தியேட்டர் உரிமையாளர்கள் சிலர் கணிதன் படத்துக்கு ரெட் கார்டு போட்டதாக தகவல் வெளியானது. 'கலைப்புலி' எஸ்.தாணு தரப்பில் இது பற்றி கேட்டபோது, அப்படியொரு பிரச்சனை ஏதும் ஏற்படவில்லை. திட்டமிட்டபடி 450 தியேட்டர்களுக்கு மேல் கணிதன் படம் வெளியாகும் என்கின்றனர்.