நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' |
அஞ்சலி மேனன் என்ற பெண் இயக்குநர் இயக்கிய 'பெங்களூர் டேஸ்' மலையாளப் படத்தின் தமிழ் ரீமேக்கான 'பெங்களூர் நாட்கள்' திரைப்படம் வருகிற 5-ஆம் தேதி உலகம் முழுக்க பிரம்மாண்டமான முறையில் ரிலீசாகவிருக்கிறது. முன்னணி தெலுங்குப்பட இயக்குநரான 'பொம்மிரிலு' பாஸ்கர் இயக்கியுள்ள 'பெங்களூர் நாட்கள்' படத்தில் ஆர்யா, பாபி சிம்ஹா, ராணா, சமந்தா, ஸ்ரீதிவ்யா, பார்வதி, ராய் லட்சுமி, சரண்யா பொன்வண்ணன், ரேகா முதலானோர் நடித்துள்ளனர்.
மலையாள 'பெங்களூர் டேஸ்' படத்திற்கு இசை அமைத்த கோபி சுந்தரே 'பெங்களூர் நாட்கள்' படத்திற்கும் இசை அமைத்துள்ளார். இயக்குநர் சரணின் தம்பியான கே.வி.குகன் ஒளிப்பதிவு செய்துள்ளார். பிரபல திரைப்பட தயாரிப்பு நிறுவனமான 'பிவிபி சினிமா' தயரித்துள்ள 'பெங்களூர் நாட்கள்' படத்தை தமிழகத்தில் மட்டும் 300-க்கும் மேற்பட்ட தியேட்டர்களில் வெளியிடுகின்றனர்!
பொங்கலுக்கு வந்த படங்கள் தியேட்டர்களில் தங்காததினால் பெங்களூர் நாட்கள் படத்துக்கு எதிர்பார்த்ததைவிட கூடுதல் தியேட்டர்கள் கிடைத்துள்ளன. வழக்கமாக தமிழ்ப்படங்களை தமிழ்நாடு தவிர்த்து கர்நாடகா, கேரளாவில் மட்டுமே வெளியிட ஆர்வம் காட்டுவார்கள். இந்தப்படத்தை, மும்பை உட்பட இந்தியாவின் பல மாநிலங்களிலும் வெளியிட உள்ளனர். அதனாலேயே அதிக எண்ணிக்கையிலான தியேட்டர்களில் வெளியாகவிருக்கும் படமாக மாறிவிட்டது - 'பெங்களூர் நாட்கள்'.
அமெரிக்காவில் மட்டும் 35 தியேட்டர்களில் வெளியாகவிருப்பதையும் சேர்த்தால் உலகம் முழுக்க 'பெங்களூர் நாட்கள்' திரைப்படம் 500-க்கும் மேற்பட்ட தியேட்டர்களில் வெளியாகும் என்கிறன பிவிபி நிறுவனத்தினர். இந்த எண்ணிக்கை வரும் தினங்களில் மேலும் கூடும் என்றும் சொல்கின்றனர்.