டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
அரண்மனை 2 படப் பிரச்னை, சுமுகமாக முடிந்துள்ளது. சென்னை சிட்டி சிவில் நீதிமன்றத்தில், தயாரிப்பாளர் முத்துராமன் தாக்கல் செய்த மனு:நடிகர் ரஜினிகாந்த், நடிகை லதா நடிப்பில், ஆயிரம் ஜென்மங்கள் படத்தை, 1978ல் தயாரித்தேன். இக்கதையை மையமாக வைத்து, என் அனுமதியின்றி, இயக்குனர் சுந்தர்.சி, அரண்மனை படத்தை எடுத்தார். இதற்கு தடை கோரி வழக்கு தொடர்ந்தேன். இரண்டு படங்களையும் பார்த்து, அறிக்கை தாக்கல் செய்ய, நீதிமன்றம் உத்தரவிட்டது.
இந்நிலையில் சுந்தர்.சி, அரண்மனை 2 படத்தை எடுத்துள்ளார்; இப்படத்திற்கு தடை விதிக்க வேண்டும். இவ்வாறு மனுவில் கூறப்பட்டிருந்தது. இந்த மனுவை விசாரித்த, நீதிபதி டேனியல் அரிபாபு, இரு தரப்பினரும் சமரச பேச்சு நடத்தி, சுமுக முடிவு எடுத்து தெரிவிக்க வேண்டும் என, உத்தரவிட்டிருந்தார். இந்த வழக்கு, நேற்று விசாரணைக்கு வந்தது. மனுதாரர் தரப்பில் வழக்கறிஞர் ஆனந்தன் ஆஜராகி, முத்துராமன் மற்றும் சுந்தர்.சி இடையே நடந்த பேச்சில் சமரசம் ஏற்பட்டுள்ளது. படத்தின் கதை உரிமைக்கு, தயாரிப்பாளருக்கு, 10 லட்சம் ரூபாய்க்கு வங்கி வரைவோலை வழங்கப்பட்டுள்ளது என தெரிவித்து, இரு தரப்பினரும் செய்து கொண்ட ஒப்பந்த பத்திரத்தை தாக்கல் செய்தார்.
நீதிபதி பிறப்பித்த உத்தரவு: சமரச ஒப்பந்தத்தை ஏற்கிறேன். உயர் நீதிமன்ற வளாகத்தில் உள்ள சமரச தீர்வு மையத்தில், சுந்தர்.சி பிப்., 1ல் நேரில் ஆஜராகி கையெழுத்திட வேண்டும். இவ்வாறு உத்தரவிடப்பட்டது. இந்நிலையில், அரண்மனை 2 படம் நேற்று வெளியானது.