இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
நடிகர் கமல்ஹாசனின் மகள் ஸ்ருதிஹாசன் நேற்று தன்னுடைய பிறந்த நாளை சென்னையில் கொண்டாடினார். காலையில் சென்னையில் உள்ள சிறுமலர் பள்ளி வளாகத்தில் பள்ளிக் குழந்தைகளுடன் தன்னுடைய பிறந்த நாளைக் கொண்டாடினார். அவருக்கு திரையுலகத்தைச் சார்ந்த பலரும் வாழ்த்துகளைத் தெரிவித்தனர்.
நேற்று மாலையில் தனது அப்பா கமல்ஹாசனுடன் திரையுலக நண்பர்கள், மற்றும் நெருங்கிய நண்பர்களுக்கு பிறந்த நாள் விருந்து கொடுத்தார். நிகழ்வில் கமல்ஹாசன் தன்னுடைய மகளுக்கு அன்பான முத்தம் ஒன்றை பரிசளித்தார். அது குறித்து நகைச்சுவை உணர்வுடன் கமல்ஹாசன் அவருடைய டிவிட்டரில் பதிவு ஒன்றைப் போட்டிருக்கிறார்.
“இத்தோழி என் தோள் மிஞ்சப் பல காரணங்கள் அக்காலணியின் உயரமும் சேருமோ ?,” என தன் மகள் ஸ்ருதியை தோழியாகக் குறிப்பிட்டுள்ளார். முதலில் இதை கமல்ஹாசன் ஆங்கிலத்தில்தான் பதிவிட்டிருந்தார். ஆனால், டிவிட்டர் கணக்கிற்கு வந்தது முதல் கமல்ஹாசன் டிவிட்டரில் ஆங்கிலத்திலேயே பதிவிடுகிறார் என சொல்லியதால், உடனேயே ஆங்கிலப் பதிவை தமிழாக்கம் செய்து பதிவிட்டார். ஆனால், ஆங்கிலத்தில் உள்ள இரண்டு வரிகளை அவர் தமிழாக்கம் செய்யவில்லை. “முத்தம் கொடுப்பதற்காக வழக்கமாக குனிவேன், ஆனால், இப்போது அவர் குனிந்தார், இத்தோழி என் தோள் மிஞ்சப் பல காரணங்கள் அக்காலணியின் உயரமும் சேருமோ ?,” என ஆங்கிலத்தை அப்படியே தமிழாக்கம் செய்யாமல் விட்டுவிட்டார்.
இனி கமல்ஹாசன் டிவிட்டரில் தமிழையும் அடிக்கடி காணாலாம்...