Dinamalar

பெண்களின் ஆசீர்வாதம் - 'வேதாளம்' சிவா மகிழ்ச்சி

ஒளிப்பதிவாளராக இருந்து தெலுங்கில் இயக்குனராக அறிமுகமானவர் சிவா. கார்த்தி, தமன்னா, சந்தானம் மற்றும் பலர் நடித்த 'சிறுத்தை' படத்தின் மூலம் தமிழில் இயக்குனராக அறிமுகமானார். 2011ம் ஆண்டு வெளிவந்த அந்தப் படம் மிகப் பெரும் வசூலைப் பெற்ற படமாக அமைந்தது. அந்தப் படத்தின் வெற்றி இயக்குனர் சிவாவுக்கு அஜித்தை வைத்து இயக்கும் வாய்ப்பைப் பெற்றுத் தந்தது.

2014ம் ஆண்டு அஜித், தமன்னா, சந்தானம் மற்றும் பலர் நடித்த 'வீரம்' படத்தை இயக்கினார் சிவா. அதற்கு முன் வரை 'சிறுத்தை' சிவா என்று அழைக்கப்பட்டவர் அதன் பின் 'வீரம்' சிவா என அழைக்கப்பட்டார். அந்தப் படத்தில் சிவாவின் திறமையைப் பார்த்த அஜித் மீண்டும் தன்னை வைத்து ஒரு படம் இயக்கும் வாய்ப்பைக் கொடுத்தார். சமீபத்தில் வெளிவந்த 'வேதாளம்' படம் மூலம் அஜித் - சிவா மீண்டும் இணைந்தனர். இந்தப் படம் இந்த ஆண்டின் மிகப் பெரும் வசூல் படமாக அமைந்துவிட்டது. அதனால் சிவா தற்போது 'வேதாளம்' சிவாவாக மாறிவிட்டார். மீண்டும் இந்தக் கூட்டணி இணையும் என்று எதிர்பார்க்கப்படுகிறது.

'சிறுத்தை, வீரம், வேதாளம்' ஆகிய படங்களின் வெற்றியில் பெண்கள் சென்டிமென்ட்டும் ஒரு முக்கிய காரணம். அதிரடி ஆக்ஷனுடன் பெண்களைப் பற்றி உயர்வாகவும் அவர்களைக் கவரும் விதத்திலும் காட்சிகளையும், வசனங்களையும் அமைத்துள்ளார் சிவா. அது குறித்து தன்னுடைய மகிழ்ச்சியை அவர் பகிர்ந்து கொண்டுள்ளார். “வீரம், வேதாளம்' ஆகிய படங்களில் பெண்களை மதிக்கும் என்னுடைய வசனங்களுக்கு பெண்களின் ஆசீர்வாதம் கிடைத்துள்ளதற்கு அஜித் சாருக்கு நன்றி,” எனத் தெரிவித்துள்ளார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்