இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி |
துணை நடிகராக பல படங்களில் நடித்து வந்த விஜய்சேதுபதியை கதாநாயகனாக தென்மேற்கு பருவகாற்று படத்தில் அறிமுகப்படுத்தினார் சீனுராமசாமி. அதன் பிறகு நீர்ப்பறவை படத்தை இயக்கியநிலையில் அடுத்தப்பட வாய்ப்பு கிடைக்காமல் இருந்தார் சீனுராமசாமி. அதைக் கேள்விப்பட்ட விஜய்சேதுபதி, மிக குறைவான சம்பளத்துக்கு நடிக்க ஒப்புக்கொண்டு சீனுராமசாமிக்கு கால்ஷீட் கொடுத்து 'இடம் பொருள் ஏவல்' படத்தில் நடித்துக்கொடுத்தார். 'இடம் பொருள் ஏவல்' படத்தில் கவிஞர் வைரமுத்து, யுவன் சங்கர் ராஜா இருவரையும் இணைத்து வைத்தார் சீனுராமசாமி.
யார் கண்பட்டதோ... அப்படத்தின் தயாரிப்பாளர் லிங்குசாமி கடனாளியானதால் இடம் பொருள் ஏவல் படம் முடங்கிப்போனது. அதன் காரணமாக சீனுராமசாமி பொருளாதார ரீதியில் சிரமப்பட, அதற்காகவே இயக்குநர் சீனுராமசாமி இயக்கத்தில் மீண்டும் ஒரு படத்தில் நடிக்க இருக்கிறார் விஜய்சேதுபதி.
சீனுராமசாமியின் 'இடம் பொருள் ஏவல்' படத்தில் இணைந்த அதே கூட்டணி இந்தப்படத்திலும் இணையவிருக்கிறது. அதாவது சீனுராமசாமி, விஜய்சேதுபதி, கவிஞர் வைரமுத்து, யுவன் சங்கர் ராஜா ஆகியோர் மீண்டும் இப்படத்தில் இணைந்து பணியாற்ற இருக்கிறார்கள்.
இப்படத்திற்கு ரஜினி பட டைட்டிலான 'தர்மதுரை' என்று பெயர் வைத்துள்ளார்கள். இப்படத்தை 'ஸ்டுடியோ 9' நிறுவனம் சார்பில் ஆர்.கே.சுரேஷும், கார்த்திக்கும் இணைந்து தயாரிக்கிறார்கள். 'இடம் பொருள் ஏவல்' படம் இன்னும் ரிலீசாகவில்லை என்ற கவலையை மறந்துவிட்டு தர்மதுரை பட பணியில் மூழ்கிவிட்டார் சீனுராமசாமி.