ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தெலுங்கில் நடித்த ஸ்ரீராமராஜ்ஜியம் படத்திற்கு பிறகு நடிப்புக்கு குட்பை சொல்லி விட்டு பிரபுதேவாவை திருமணம் செய்ய தயாராகிக்கொண்டிருந்த நயன்தாரா, பின்னர் அவருடன் ஏற்பட்ட கருத்து வேறுபாட்டினால் திருமணம் நடக்கயிருந்த கடைசி நேரத்தில் அவரை விட்டு விலகி மீண்டும் சினிமாவில் பிரவேசித்தார். எதிர்நீச்சல் படத்தில் தனுசுடன் ஒரு பாடலில் நடனமாடியவர், ராஜாராணி படத்தில் ஆர்யாவுடன் அஜீத்தின் ஆரம்பம் படத்தில் கமிட்டானார். இப்படியாக மறுபடியும் மார்க்கெட்டைப் பிடித்த நயன்தாராவுக்கு அனாமிகா, நண்பேன்டா, மாஸ் உள்ளிட்ட படங்கள் சரிவைக் கொடுத்தபோதும், சமீபத்தில் வெளியான தனிஒருவன், மாயா என்ற இரண்டு படங்களுமே சூப்பர் ஹிட்டாக அமைந்தன. அதனால் மறுபடியும் நயன்தாராவின் மார்க்கெட் சூடுபிடித்துள்ளது.
அதோடு, இனிமேல் விஜய்யுடனெல்லாம் நயன்தாரா ஜோடி சேர வாய்ப்பே இல்லை என்று நினைத்துக்கொண்டிருந்த நேரத்தில் அட்லி இயக்கும் படத்தை அடுத்து எஸ்.ஜே.சூர்யா இயக்கத்தில் விஜய் நடிக்கும் அவரது 60வது படத்தில் விஜய்யுடன் ஜோடி சேருகிறார் நயன்தாரா. ஏற்கனவே விஜய் நடித்த சிவகாசி படத்தில் கோடம்பாக்கம் ஏரியா ஓட்டுக் கேட்க வாரியா என்ற பாடலில் விஜய்யுடன் குத்தாட்டமாடிய நயன்தாரா, பின்னர் பிரபுதேவா இயக்கத்தில், விஜய் நடித்த வில்லு படத்தில் ஜோடியாகவும் நடித்தார். ஆனால் அதன்பிறகு அவர்கள் இணையவில்லை. இந்தநிலையில், தற்போது மீண்டும் விஜய்யுடன் இணையப்போகிறார். அதோடு இந்த படத்தின் டைட்டீல் கார்டில் நயன்தாராவுக்கு லேடி சூப்பர் ஸ்டார் என்று பட்டம் சூட்டவும் முடிவெடுத்துள்ளாராம் டைரக்டர் எஸ்.ஜே.சூர்யா.