நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' |
ஜீவன் நடிப்பில் சமீபத்தில் வெளிவந்த படம் அதிபர். பிரமாண்டமாக தயாரிக்கப்பட்டு பெரும் தோல்வியடைந்த படம். இதனை கண்ஸ்டோரியம் ஸ்டூடியோ சார்பில் கனடா வாழ் தமிழர் டி.சிவகுமார் தயாரித்திருந்தார். முதல் படம் தோல்வி அடைந்தாலும் வெற்றி பெற்றே தீருவேன் என்று அடுத்த படத்தை ஆரம்பித்து விட்டார். மேலும் ஆண்டுக்கு 3 படங்கள் தயாரிப்பேன் என்றும் சொல்கிறார். அவர் கூறியதாவது:
அதிபர் படம் என் சொந்த வாழ்க்கையில் நடந்த சம்பவங்களை பற்றியது. ரியல் எஸ்டேட் அரக்கர்களிடம் என்னைப்போல யாரும் ஏமாந்து விடக்கூடாது என்பதற்காக எடுக்கப்பட்ட படம். அதன் வெற்றி, தோல்வி பற்றி கவலையில்லை. நான் சொன்ன விஷயம் மக்களை சென்று சேர்ந்ததில் மகிழ்ச்சிதான்.
தற்போது யாழ்ப்பாணத்தில் நடந்த ஒரு உண்மை சம்பவத்தை அடிப்படையாக கொண்டு அடுத்த படத்தை தயாரிக்கிறேன். அதன் கதையை நான் எழுதியிருக்கிறேன். நான் அவனில்லை படத்தை இயக்கி செல்வா இயக்குகிறார். 3 ஹீரோக்கள் நடிக்கிறார்கள். போரின் போது ஒரு ஊரே திரண்டு வேறொரு நாட்டுக்கு செல்கிறது. அவர்கள் எப்படிச் சென்றார்கள். சென்ற இடத்தில் என்ன மாதிரி வாழ்ந்தார்கள் என்கிற கதை. இலங்கை ராணுவம், விடுதலைபுலிகள் போன்ற எந்த அம்சமும் இருக்காது. மனித உணர்வுகளை மையமாக கொண்ட படமாக இருக்கும். அடுத்து ஜனவரியில் பெரிய ஹீரோ நடிக்கும் கமர்ஷியல் படம் ஒன்றை தயாரிக்கிறேன். ஆண்டுக்கு 3 படங்கள் தயாரிக்கும் திட்டம் வைத்திருக்கிறேன். என்கிறார் சிவகுமார்.