டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
குழந்தை நட்சத்திரமாக ரசிகர்களின் கவனம் ஈர்த்த பேபி ஷாமிலி, குமாரியாக வளர்ந்தவுடனே கதாநாயகியாக நடிக்க வந்து, அக்கா ஷாலினி விட்டுச்சென்ற இடத்தை பூர்த்தி செய்வார் என நினைத்தால், சாவகாசமாக சிங்கப்பூருக்கு படிக்க போய்விட்டார். இடையில் சித்தார்த்துடன் ஒரே ஒரு தெலுங்குப்படத்தில் நடித்தார்.. அவ்வளவுதான்.. பின்னர் சினிமாவை தொடரவில்லை. ஆனால் இப்போது திடீரென் வானத்தில் இருந்து குதித்தது போல தமிழில் தனுஷ், விக்ரம் பிரபுவுடனும், மலையுயாலத்தில் குஞ்சாக்கோ போபனுடன் நடிக்க ஒப்பந்தமாகியுள்ளார்.
இதில் ஆச்சர்யம் என்னவென்றால் கிட்டத்தட்ட பதினெட்டு வருடங்களுக்கு முன் அவரது அக்கா ஷாலினி கதாநாயகியாக அறிமுகமானது 'அனியத்தி பிறாவு' என்கிற படத்தில் குஞ்சாக்கோ போபனுக்கு ஜோடியாகத்தான். இத்தனை வருடம் கழித்து அறிமுகமாகும் அவரது தங்கை ஷாமிலியும் குஞ்சாக்கோ போபனுக்கு ஜோடியாக அறிமுகமாவதை அதிசயம் என்று சொல்லாமல் வேறென்ன சொல்வது..? அறிமுக இயக்குனர் ரிஷி சிவக்குமார் இயக்கும் இந்தப்படத்திற்கு 'வல்லிம் தெட்டி புல்லிம் தெட்டி' என பெயர் வைத்துள்ளனர்.
ஷாமிலி குழந்தை நட்சத்திரமாக தமிழில் நடித்தது போலவே மலையாளத்திலும் அதிகப்படங்களில் நடித்துள்ளார். மேலும் அவரது சொந்த ஊரும் கேரளாதான். அதனால் மலையாளிகள் ஷாமிலியை தங்கள் வீட்டுப்பெண் போலத்தான் நினைகிறார்கள். அதை உறுதிப்படுத்தும் விதமாக அவர் இப்போது தமிழில் நடித்தாலும் கூட, குஞ்சாக்கோ போபன் தற்போது நடிக்கும் படத்தில் ஷாமிலியின் கண்களுடன் ஒரு போஸ்டரை வெளியிட்டு 'இவர் எங்க ஊர் பெண்ணாக்கும்” என உரிமை கொண்டாடியுள்ளார்.