ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படத்தை குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் | அடையாளம் தெரியாத அளவிற்கு மாறிப்போன கமலினி முகர்ஜி | 'பிரேமலு' பிரபலம் மமிதா பைஜு தமிழிலும் பிரபலம் ஆவாரா? | சூர்யாவின் 'கங்குவா' டீசர் இன்று மாலை வெளியீடு; பரபரப்பை ஏற்படுத்துமா? | நாங்கள் தாசிகள் தான்! சின்னத்திரை நடிகை தீபாவின் உருக்கமான பேச்சு |
டாம் க்ரூஸ் நடிப்பில் கிரிஸ் மெக்குவாரி இயக்கியுள்ள மிஷன் இம்பாசிபிள் தொடரின் ஐந்தாம் பாகம் ஆகஸ்ட் 7 ஆம் தேதி உலமெங்கும் வெளியாகவுள்ளது. படத்திற்கு படம் வித்தியாசமான சாகசங்களை மேற்கொள்ளும் டாம் க்ரூஸ் 'மிஷன் இம்பாசிபிள்:முரட்டு தேசம்' (MissionImpossible: Rogue Nation) திரைப்படத்தில் கார், பைக், விமானம் என பல சாகசங்களை செய்துள்ளார். இந்தியாவில் Viacom18 மோஷன் பிக்சர்ஸ் நிறுவனம் வெளியிடும் இப்படம் மிஷன் 'இம்பாசிபிள்:முரட்டு தேசம்' என்று தமிழில் வெளியாகவுள்ளது.
இயக்குனர் கிரிஸ் மெக்குவாரி மிஷன் இம்பாசிபிள்-5 படத்தில் டாம் க்ரூஸின் சாகசங்களைப் பற்றி கூறும்பொழுது “மிஷன் இம்பாசிபிள் தொடரின் முந்தைய பாகங்கள் வெவ்வேறு விதமான ஆச்சர்யம் ஊட்டும் சாகசங்களை காட்சியாய் கொண்டு இருந்தது. கதாநாயகன் க்ரூஸ் நடித்திருக்கும் ஈத்தன் ஹன்ட் எதற்கும் துணிந்தவன் என்பது அனைவரும் அறிந்ததே. இப்படத்தில் இடம் பெற்றிருக்கும் A400 விமானத்தில் தொங்கும் காட்சி ரசிகர்களை கண்டிப்பாக உறைய வைக்கும். இருப்பினும் டாம் க்ரூஸ் யாரும் தன்னை எளிதில் மதிப்பிட விடமாட்டார். மிஷன் இம்பாசிபிள்:முரட்டு தேசம்' படத்தில் எல்லா வற்றையும் கடந்து தன் மூச்சை அடக்கி கொண்டு நீருக்கு அடியில் பல மணி துளிகள் நடித்துள்ளார்.” எனக் கூறினார்.
“நான் ஆழ் கடலில் நீந்தி உள்ளேன். இவ்வாறு மூச்சை அடக்கி அடக்கி கொண்டு 200 அடி ஆழத்தில் நடித்தது இல்லை. நீருக்கு அடியில் இப்படி நடிப்பது சற்று கடினமாகாவே இருந்தது. எனினும் எனது தீவிர பயிற்சி இத்தகைய காட்சியில் நடிப்பதை சாத்தியமாக்கியுள்ளது. மற்ற கடினமான காட்சிகளைக் காட்டிலும் இக்காட்சியில் நடித்தது மிகவும் ஆச்சர்யமாக இருந்தது. எனது உடலை பற்றி நிறைய விஷயங்களை கற்று எனது பயிற்சி கற்று தந்தது” என டாம் க்ரூஸ் கூறினார்.