டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
பொல்லாதவன், ஆடுகளம் என இரண்டு மாபெரும் வெற்றி படங்களை கொடுத்தவர் வெற்றி மாறன். இந்த இரண்டு படங்களிலும் தனுஷ் தான் ஹீரோ. இதில் ஆடுகளம் படத்திற்காக தேசிய விருதும் பெற்றார் தனுஷ். இந்நிலையில் இந்தப்படங்களுக்கு அடுத்துப்படியாக விசாரணை என்ற படத்தை இயக்கியுள்ளார் வெற்றிமாறன். அட்டகத்தி தினேஷ் நடித்துள்ள இப்படம் விரைவில் ரிலீஸாக இருக்கிறது.
இந்நிலையில், வட சென்னை என்ற படத்தை சிம்புவை வைத்து இயக்க போவதாக அறிவித்திருந்தார் வெற்றி மாறன். ஆனால் இன்று வரை அந்தபடம் துவங்கப்படவே இல்லை. பல்வேறு காரணங்களால் படத்தை துவக்க முடியாத சூழல் உருவாகி இருக்கிறது. ஏற்கனவே சிம்பு நடித்த வாலு, வேட்டை மன்னன், இது நம்ம ஆளு போன்ற படங்கள் பல பிரச்னைகளால் ரிலீஸாகாமல் இருக்கிறது. இதனால் சிம்புவை வைத்து படங்கள் எடுக்க பலர் தயங்குகின்றனர்.
இப்படிப்பட்ட சூழலில், வட சென்னை படத்தில் சிம்புவுக்கு பதிலாக தனுஷ் நடிக்க இருப்பதாக தகவல் வௌியாகியுள்ளது. சிம்புவுக்காக சொன்ன கதையில், தனுஷூக்காக சில மாற்றங்கள் செய்திருக்கிறாராம் வெற்றி மாறன். தனுஷூம் கதையை கேட்டு ஓ.கே. சொல்லிவிட்டதாகவும் விரைவில் படம் ஆரம்பிக்கப்பட இருப்பதாகவும் கூறப்படுகிறது.
ஏற்கனவே தனுஷ் - வெற்றி மாறன் கூட்டணியில் சூதாடி என்ற படம் உருவாக இருக்கிறது. அதற்கு முன்பாகவே வட சென்னை படத்தை முடித்துவிட்டு பிறகு சூதாடியில் இணைய இருவரும் முடிவெடுத்திருக்கிறார்களாம்.