‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
இயக்குநர் கே.எஸ்.ரவிக்குமாரிடம் உதவியாளராக இருந்தவர் நவீன் என்ற நவீன் கிருஷ்ணன். நெல்லை சந்திப்பு உள்ளிட்ட சில படங்களை இயக்கியுள்ளார். தற்போது விஜயகாந்த் மகன் சண்முகபாண்டியன் அறிமுகமாகும் சகாப்தம் படத்தின் கதை இவருடையது தான். இதுகுறித்து நம்மோடு அவர் பகிர்ந்து கொண்டதாவது, இரண்டு வருடத்திற்கு முன்னர் சகாப்தம் படத்தின் கதையை உருவாக்கினேன். வௌிநாடுகளுக்கு வேலைக்கு போய் திரும்பியவர்கள் அவர்களது மகிழ்ச்சியை மட்டுமே பகிர்ந்து கொள்கின்றனர். ஆனால் அங்கு அவர்கள் அனுபவிக்கும் கஷ்டங்களை யாரிடமும் பகிர்ந்து கொள்வது கிடையாது. அப்படி அவர்கள் அங்கு சந்திக்கும் பிரச்னைகள், வலி போன்றவையே சகாப்தம் படத்தின் கதை. நம்மூரிலேயே நிறைய வேலைகள் இருக்கிறது சொந்த மண்ணை நேசி என்று சொல்கிற படம் தான் சகாப்தம்.
இந்த கதையை நான் தயார் செய்தபோது, இதில் விஜயகாந்த் மகன் நடிப்பார் என்று எதிர்பார்க்கவில்லை. விஜயகாந்த் தனது மகனை சினிமாவில் அறிமுகம் செய்ய இருப்பதாக கேள்விப்பட்டு அவரிடம் இந்த கதையை கூறினேன். தன் மகனுக்கு சுமார் 150 கதைகளை கேட்டுவிட்டு வேண்டாம் என்று ஒதுக்கிய விஜயகாந்த், எனது கதையை ஓ.கே. செய்தார். என் கதையில் விஜயகாந்த் மகன் நடித்தது எனக்கு கிடைத்த அங்கீகாரமாக நான் நினைக்கிறேன். சாதாரண கதையாகத்தான் இப்படத்தை எடுக்க இருந்தேன், ஆனால் இந்தப்படம் இப்போது இவ்வளவு பிரமாண்டமாக உருவாகும் என நினைக்கவில்லை. விஜயகாந்த் மகனுக்காக சில கமர்ஷியல் விஷயங்களை படத்தில் சேர்த்துள்ளோம். இந்தப்படம் நிச்சயம் வெற்றி பெறும்.
இவ்வாறு நவீன் கூறினார்.