டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
விஜய்யின் கத்தி, விஷாலின் பூஜை ஆகிய இரண்டு படங்களும் இந்த தீபாவளிக்கு திரைக்கு வந்துள்ளது. அதனால் அவர்கள்தான் இந்த தீபாவளியின் நேரடி போட்டியாளர்கள் என்று கடந்த சில மாதங்களாகவே சித்தரிக்கப்பட்டு வந்தனர். இதற்கிடையே விஷாலின் பூஜைக்கு எந்தவித பிரச்சினைகளும் எழவில்லை. ஆனால், விஜய்யின் கத்தி கடந்த சில மாதங்களாகவே சர்ச்சையில் சிக்கியது. படம் திரைக்கு வருவதற்கு முந்தைய நாள்கூட சென்னை சத்யம் தியேட்டரில் பெட்ரோல் வெடிகுண்டு வீசப்பட்டு படம் திரைக்கு வருமா? வராதா? என்கிற பதட்டமான சூழ்நிலையெல்லாம் நிலவியது.
இருப்பினும் ஒருவழியாக லைகா நிறுவனத்தின் பெயரை நீக்கி படத்தை வெளியிட்டு விட்டனர். இந்த நிலையில், நேற்று சென்னை நுங்கம்பாக்கத்திலுள்ள ஒரு ப்ரிவியூ தியேட்டரில் விஜய்யின் கத்தியும், விஷாலின் பூஜையும் வெவ்வேறு தியேட்டர்களில் டெக்னீசியன்களுக்காக திரையிடப்பட்டிருந்தது. அப்போது கத்தி படம் பார்க்க விஜய் வந்தார்.
இந்த சேதியறிந்து பூஜை படம் பார்த்துக்கொண்டிருந்த விஷால் தியேட்டரை விட்டு வெளியே வந்து விஜய்யை வரவேற்றார். அதையடுத்து சிறிது நேரம் பேசிக்கொண்ட அவர்கள் இருவரும் படங்கள் வெற்றி பெற வாழ்த்து சொன்னபடி விடைபெற்றனர்.