டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
எண்பதுகளில் பிரபலமாக இருந்த நடிகை மேனகாவின் மகள் கீர்த்தி சுரேஷ் தற்போது மலையாளத்தில் பிரபல கதாநாயகியாக இருக்கிறார். 2000 ஆம் ஆண்டு பைலட் என்ற மலையாள படத்தில் குழந்தை நட்சத்திரமாக அறிமுகமான கீர்த்தி சுரேஷ், 2013 ஆம் ஆண்டு வெளிவந்த கீதாஞ்சலி மலையாள படத்தில் நாயகியாக அறிமுகமானார். ராதிகா சரத்குமார் தயாரிப்பில் விஜய் இயக்கத்தில் விக்ரம் பிரபு நடிக்கும் புதிய படத்தில் கதாநாயகியாக நடிப்பதன் மூலம் தற்போது தமிழுக்கும் வந்திருக்கிறார் கீர்த்தி சுரேஷ். இப்படத்தின் படப்பிடிப்பு தொடங்குவதற்கு முன்பே, கீர்த்தி சுரேஷுக்கு அடுத்தடுத்த பட வாய்ப்பு கிடைத்திருக்கிறது.
தற்போது தமிழில் மானே தேனே பேயே என்ற படத்தில் ஆரிக்கு ஜோடியாக நடித்துக் கொண்டிருக்கிறார். அதை அடுத்து, 2013 ஆம் ஆண்டின் சூப்பர்ஹிட் திரைப்படமான வருத்தப்படாத வாலிபர் சங்கம் படத்தின் கூட்டணி ரஜினி முருகன் படத்தின் மூலம் மீண்டும் இணையவிருக்கிறது. இப்படத்தை திருப்பதி பிரதர்ஸ் நிறுவனம் தயாரிக்கிறது. பொன்ராம் இயக்கத்தில் சிவகார்த்திகேயன் நடிக்கும் இப்படத்தில் சிவகார்த்திகேயனுக்கு ஜோடியாக நடிக்க முதலில் லக்ஷ்மி மேனன், தமன்னா ஆகியோரிடம் பேச்சு வார்த்தை நடத்தப்பட்டது.
அண்மையில் வெளியான செய்திகளின் அடிப்படையில் ரஜினி முருகன் படத்தில் சிவகார்த்திகேயன் ஜோடியாக தமன்னா நடிப்பதாக கூறப்பட்டது. இந்நிலையில், தற்போது மலையாள நடிகை கீர்த்தி சுரேஷை கதாநாயகியாக ஒப்பந்தம் செய்திருக்கின்றனர்! இதுகுறித்து அதிகாரபூர்வ அறவிப்பு இன்னும் ஒரு சில நாட்களில் வெளிவரவிருக்கிறது. மதுரையைக் களமாகக் கொண்டு உருவாகும் ரஜினி முருகன் படத்தின் படப்படிப்பு நவம்பர் மாத இறுதியில் மதுரையைச் சுற்றியுள்ள பகுதிகளில் துவங்க உள்ளது.