ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
மிர்சி செந்தில், விஜயலட்சுமி நடித்த வெண்ணிலா வீடு படம் நீண்ட நாள் தயாரிப்பில் இருக்கிறது. ஆதர்ஷ் ஸ்டூடியோ தயாரித்த இந்தப் படத்தை பிரபல டிசைனிங் நிறுவனமான தி வைப்ரண்ட் மூவீஸ் வாங்கி உள்ளது. இதனை வெற்றி மகாலிங்கம் இயக்கி உள்ளார். தன்ராஜ் மாணிக்கம் என்பவர் இசை அமைத்துள்ளார். விஜயலட்சுமியுடன் சிருந்தா ஆசாப் என்ற மலையாள நடிகையும் நடித்துள்ளார்.
படத்தின் புரமோசனுக்காக "ஜானி ஜானி வா மாமா..." என்ற பாடலை சமீபத்தில் வெளியிட்டனர். இதற்கு நல்ல வரவேற்பு கிடைத்தது. இணைய தளத்தில் 10 லட்சம் பேர் வரை பார்த்துள்ளனர். இதனால் இந்தப் பாடலை கடைசி நேரத்தில் படத்தில் சேர்த்துள்ளனர். கிராமத்து பெண்ணான விஜயலட்சுமி நகர்புறத்துக்கு திருமணமாகி வருகிறார். இங்குள்ள அடுக்குமாடி கலாச்சாரத்தில் அவர் படும் அவஸ்தைகளும், தவணைக்கு பொருட்கள் வாங்கி தடுமாறும் செந்திலின் அவஸ்தைகளும்தான் படத்தின் கதை. இந்தப் படத்திலிருந்து மிர்சி செந்தில் என்ற தனது பெயரை செந்தில்குமார் என்று மாற்றிக் கொண்டிருக்கிறார் செந்தில். திருமணத்துக்கு பிறகு செந்தில் நடித்து வெளிவந்த பப்பாளி மக்களுக்கு ருசிக்கவில்லை. இந்த வெண்ணிலா வீடாவது பிடிக்குமா என்று ஆவலுடன் காத்திருக்கிறார் செந்தில்.