ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' |
ஹிந்தியில் ஆலியா பட் நடிப்பில் தற்போது வெளியாகியுள்ள படம் டார்லிங்ஸ். இந்த படத்தின் மூலம் முதன்முதலாக தயாரிப்பாளராகவும் மாறிய ஆலியா பட் ஷாருக்கானின் ரெட் சில்லீஸ் என்டர்டைன்மென்ட் நிறுவனத்துடன் இணைந்து இந்த படத்தை தயாரித்துள்ளார். இந்த படம் கடந்த சில நாட்களாகவே கடும் சர்ச்சையை சந்தித்து வந்தது. அதாவது குடும்ப வன்முறைக்கு ஆளாகும் பெண்கள் பற்றியும் அப்படி ஒரு பெண் தனது மாமியாரின் துணையுடன் தனது கணவரை கடத்தி சித்திரவதை செய்து அவருக்கு பாடம் புகட்டுவது இந்த படத்தின் கதை அமைந்துள்ளது. இதற்காகத்தான் பலத்த எதிர்ப்பையும் சம்பாதித்தது. இந்நிலையில் இந்த படம் தமிழ் மற்றும் தெலுங்கில் ரீமேக் ஆகும் என தகவல் வெளியாகி உள்ளது.
இதுகுறித்து படத்தயாரிப்பு நிறுவனம் சம்பந்தமான அதிகாரி ஒருவர் கூறும்போது, இந்தப்படத்தின் ஆரம்பகட்ட தயாரிப்பில் இருந்து கூடவே பயணித்ததால் இந்த படத்தின் கதை எல்லா மொழிகளுக்கும் பொருந்தும் அம்சங்களுடன் இருக்கிறது என்பதை உணர்ந்தோம். அதனால் தமிழ் மற்றும் தெலுங்கில் இந்தப் படத்தை அந்தந்த மொழிகளுக்கு ஏற்ற மாதிரி ஒரு சில மாற்றங்களுடன் ரீமேக் செய்ய முடிவு செய்துள்ளோம் என்று கூறியுள்ளார். இந்த படத்தை ரீமேக் செய்து தயாரிப்பதன் மூலம் தமிழ் மற்றும் தெலுங்கில் முதன்முதலாக அடியெடுத்து வைக்கிறது ஷாருக்கானின் ரெட் சில்லீஸ் என்டர்டெயின்மென்ட் நிறுவனம்.