'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
பிரபல மலையாள நடிகர் கலாபவன் மணி மர்மமான முறையில் மரணத்தை தழுவி இரண்டு ஆண்டுகளுக்கு மேல் ஓடிவிட்டன. இந்தநிலையில் பிரபல இயக்குனரும் கலாபவன் மணியின் திரையுலக குருவுமான வினயன் 'சாலக்குடிக்காரன் சங்காதி' என்கிற பெயரில் அவரது வாழ்க்கை வரலாற்றை படமாக்கியுள்ளார்.
கலாபவன் மணிக்கும் தனக்கும் மட்டுமே தெரிந்த சில ரகசியங்களை இந்தப்படத்தில் சொல்லியிருக்கிறாராம் இயக்குனர் வினயன். குறிப்பாக, கலாபவன் மணி ஹீரோவாக நடிக்க ஆரம்பித்த புதிதில் ஒரு பிரபல நடிகையை தனது படத்தில் ஜோடியாக நடிக்க கேட்டதாகவும் அந்த நடிகை அவரது நிறத்தை காரணம் காட்டி அவரை ஒதுக்கியதாகவும் சொல்லப்பட்டது.
ஆனால் பத்து வருட காலம் கடந்தபின், அந்த நடிகையுடன் நடிக்காவிட்டாலும், அந்த நடிகைக்கு மவுசு குறையத் தொடங்கிய நேரத்தில் அவருக்கு சில படங்களில் நடிக்க வாய்ப்பு வாங்கி கொடுத்தாராம் கலாபவன் மணி.
மலையாளத்தில் அறிமுகமாகி தமிழ், தெலுங்கு என இரண்டு மொழிகளிலும் முன்னணி நடிகையாக வலம்வந்த அந்த நடிகை யார் என்கிற உண்மையை இந்தப்படத்தில் உடைத்துள்ளாராம் வினயன். இது தெரிய வரும்போது ரசிகர்களுக்கும் திரையுலகினருக்கும் மிகப்பெரிய அத்ரிசியாக இருக்கும் என்றும் கூறி சஸ்பென்ஸ் வைத்துள்ளார் வினயன்.