இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
இந்த முறை, அதாவது இந்த வெள்ளியன்று படங்களை ரிலீஸ் செய்வதில் தமிழ்நாடு மற்றும் கேரளாவை சேர்ந்த தியேட்டர்கள் ஒரு வித்தியாசமான நடைமுறைய காட்டியுள்ளன. வரும் ஆக-24 (வியாழன்) அன்று அஜித்தின் விவேகம் ரிலீசாக இருப்பதால் இந்தவாரம் தமிழில் படங்கள் எதுவும் வெளியாகவில்லை. வழக்கமாக கேரளாவிலும் அஜித் படம் ரிலீஸாகும் சமயத்தில் படங்கள் ரிலீசாவதில்லை தான். ஆனால் அதற்கு இன்னும் ஒரு வாரம் (6 நாட்கள் மட்டுமே) இருப்பதால் அந்த இடைவெளியை பயன்படுத்தி இன்று 8 படங்கள் வெளியாகி இருக்கின்றன.
கௌதமி நடித்துள்ள த்ரில்லர் படமான 'ஈ', ஸ்வேதா மேனன் நடித்துள்ள 'நேவல் என்னும் ஜூவல்', மம்தா மோகன்தாஸ், பத்மபிரியா உள்ளிட்ட பத்து கதாநாயகிகள் நடிப்பில் உருவாகியுள்ள 'க்ராஸ்ரோடு', நடிகர் சலீம் குமார் இயக்கத்தில் உருவாகியுள்ள 'கருத்த ஜூதன்', தயாரிப்பாளர் மணியம்பிள்ளை ராஜூவின் மகன் நிரஞ்சன் ராஜூ கதாநாயகனாக அறிமுகமாகும், கதாநாயகியாக மியா நடித்துள்ள 'பாபி', ஆசிப் அலியின் தம்பி அஸ்கர் அலி அறிமுகமாகும் 'ஹனி பீ 2.5', மற்றும் புதுமுகங்கள் நடித்த்துள்ள 'மண்ணாம்கட்டையும் கரியிலையும்' என ஏழு மலையாள படங்கள் வெளியாகியுள்ளன. அதுமட்டுமல்ல, தமிழ்ப்படமான தரமணியும் இந்த வாரம் மலையாளத்தில் வெளியாகியுள்ளது..
தரமணி தவிர்த்து மேலே சொன்ன ஏழு படங்களும் மிகச்சிறிய பட்ஜெட்டில் உருவான படங்கள்.. இந்த வாரம் ரிலீஸ் செய்தே ஆகவேண்டிய சூழலில் இருந்தவை. அடுத்தவாரம் அஜித்தின் விவேகம் படம் 309 தியேட்டர்களில் ரிலீசாவதாலும், அதை தொடர்ந்து அதற்கடுத்த வாரத்தில் ஓணம் பண்டிகை கொண்டாட்டமாக மிகப்பெரிய படங்கள் ரிலீஸ் ஆவதாலும் வேறுவழியின்றி இன்றே ரிலீசாகியுள்ளன. இந்த ஆறு நாட்கள் தான் இன்று வெளியாகியுள்ள இந்த சிறிய படங்களின் தலைவிதியை நிர்ணயம் செய்யப்போகின்றன.