டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'பாகுபலி-2' படத்தின் வெற்றியை தொடர்ந்து, தற்போது ராணா தனி கதாநாயகனாக நடித்துவரும் படம் நேனே ராஜூ நேனே மந்திரி'. தெலுங்கு இயக்குனர் தேஜா இயக்கும் இந்தப்படத்தில் கதாநாயகிகளாக காஜல் அகர்வால் மற்றும் கேதரின் தெரசா ஆகியோர் நடித்துள்ளார்கள்.. 'பாகுபலி' படத்தின் இரண்டு பாகங்களும் ராணாவுக்கு தென்னிந்திய மொழிகளில், குறிப்பாக கேரளாவில் நல்ல அறிமுகத்தை ஏற்படுத்தி கொடுத்துள்ளதை தொடர்ந்து, விரைவில் வெளியாக இருக்கும் இந்தப்படத்தை கேரளாவில் 'ராஜகிரீடம்' என்கிற பெயரில் வெளியிட இருக்கிறார்கள்...
இந்த 'ராஜகிரீடம்' படத்தின் மலையாள டிரைலரை, நடிகர் துல்கர் சல்மான் சோஷியல் மீடியா மூலமாக வெளியிட்டுள்ளார். ராணா, துல்கர் இருவரும் நடிக்க வருவதற்கு முன்பிருந்தே நண்பர்கள் தான் என்பது பெரும்பாலும் பலருக்கு தெரிந்திருக்க வாய்ப்பில்லை. துல்கர் சல்மான் சென்னை லயோலா காலேஜில் படித்தபோது நடிகர் நாகசைதன்யாவும், துல்கருடன் தான் சேர்ந்து படித்துள்ளார்.. அங்கே இருவருக்கும் தோன்றிய நட்பு, நாகசைதன்யாவின் உறவினரான ராணாவையும், துல்கரின் நட்பு வட்டாரத்தில் இணைத்ததாம். அன்றிலிருந்து இன்றுவரை அந்த நட்பு தொடர்ந்து வருகிறது. அந்த நட்பின் அடிப்படையில் தான் ராணாவின் 'ராஜகிரீடம்' மலையாள டிரைலரை வெளியிட்டுள்ளார் துல்கர் சல்மான்.