ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஒரு காலத்தில் மலையாள சினிமா ஒரு கோடிக்குள் எடுக்கப்படும், அது 3 கோடி வசூலித்தாலே வெற்றி என்பார்கள். ஆனால் இன்றைக்கு மலையாள சினிமாவின் லெவலே வேற. துணிச்சலாக 35 கேடி செலவில் புலிமுருகன் எடுத்தார்கள். 150 வசூலித்து சாதனை படைத்ததோடு மலையாள சினிமாவின் வியாபார தளத்தை விரிவுப்படுத்தியது. அதைத் தொடர்ந்து மலையாள சினிமா தற்போது பிரமாண்ட தளத்தை நோக்கி நகர்ந்திருக்கிறது.
இதன் அடுத்த பாய்ச்சலாக வரப்போகிறது ரெண்டமூழம், மலையாள திரைக்கதை ஜாம்பவான் எம்.டி.வாசுதேவன் நாயர் எழுதிய நாவல் அதே பெயரில் இப்போது படமாகிறது. இது மகாபாரத்தின் ஒரு பகுதியான குருஷேத்திரத்தை மையமாக வைத்து எழுதப்பட்டது. பாகுபலி போன்ற பிரமாண்டத்துடன் 2 பாகங்களாக வெளிவர இருக்கிறது.
வார்னர் பிரதர்ஸ், ரிலையன்ஸ் எண்டர்டெய்ன்மெண்ட் நிறுவனங்களுடன் மோகன்லால் கைகோர்த்திருக்கிறார். படத்தின் உத்தேச பட்ஜெட் 200 கோடி. மோகன்லாலுடன், மம்முட்டி, அமிதாப்பச்சன், ஐஸ்வர்யாராய், விக்ரம், நாகார்ஜுனா, சிவராஜ்குமார், மஞ்சு வாரியார் நடிக்க இருக்கிறார்கள். இத்தனை மொழி நடிகர்கள் நடிக்க காரணம் படம் மலையாளம், தமிழ், தெலுங்கு, கன்னடம், இந்தி மொழிகளில் தயாராகிறது.
ஏ.ஆர்.ரகுமான் இசை அமைக்கிறார், பீட்டர் ஹெய்ன் சண்டை காட்சிகளை அமைக்கிறார். விளம்பர பட இயக்குனரும், மோகன்லாலின் நண்பருமான ஸ்ரீகுமார் இயக்குவார் என்கிறார்கள். மற்ற நடிகர், நடிகைகள், தொழில்நுட்ப கலைஞர்கள் தேர்வு நடந்து வருகிறது. கிராபிக்ஸ் காட்சிகள் அமைக்க பல நாட்டு நிறுவனங்களுடன் ஒப்பந்தம் போடப்பட்டு வருகிறது. 2019ம் ஆண்டு தீபாவளிக்கு முதல் பாகத்தை வெளியிட இலக்கு நிர்ணயித்து பணியாற்றி வருகிறார்கள்.