இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
கடந்த வருடம் இதே தேதியில் தான் (மே-29) மலையாள சினிமாவில் எவர்கிரீன் சூப்பர்ஹிட் படமாக மாறிய 'பிரேமம்' படம் வெளியானது.. இந்தப்படம் வெளியான தினத்தன்று படத்தின் ஹீரோவான நிவின்பாலி டென்சனில் நகத்தை கடித்தபடி இருந்ததாக கேள்வி.. படம் ஹிட்டாகும் என்பதுதான் பார்த்தவுடனே தெரிந்துவிட்டதே, அப்புறம் ஏன் அவர் டென்சன் ஆனார் என்றால் அதற்கு காரணமும் இல்லாமல் இல்லை. அதே தினம் தான் நிவின்பாலி நடித்த இன்னொரு படமான 'இவிடே' என்கிற படமும் வெளியாகி இருந்தது. இதில் நிவின்பாலியுடன் பிருத்விராஜும் நடித்திருந்தார்..
அதனால் படம் வெளியாவதற்கு முன்பிருந்தே மல்டிஸ்டாரர் படமான 'இவிடே' தான் மிகப்பெரிய சக்சஸ் ஆகும் என்றும் 'பிரேமம்' ஹிட்டானாலும் 'இவிடே' அளவுக்கு ஆவது சந்தேகம் தான் என்றும் சொல்லி வந்தனர். பிருத்விராஜுக்கு ஒரு படம் என்பதால் அவர் சாதாரணமாகவே இதை எடுத்துக்கொண்டார். ஆனால் முதன்முறையாக தனது இரண்டு படங்கள் ஒரே நாளில் வெளியாகி, சந்தர்ப்ப சூழலால் இரண்டு படங்களின் ரிசல்ட்டும் நெகடிவ்வாக அமைந்துவிட்டால் என்ன ஆவது என்கிற நியாயமான பயம் நிவின்பாலிக்கு ஏற்பட்டிருந்தது..
காரணம் அப்போதுதான் கொஞ்ச கொஞ்சமாக தனது இடத்தை மலையாள சினிமாவில் ஸ்திரப்படுத்தி வைத்துக்கொண்டே வந்தார் நிவின்பாலி.. ஆனால் விதியோ, ரசிகர்கள் ஆவலுடன் எதிர்பார்த்த 'இவிடே'க்கு பிளாப் பட்டத்தை சூட்டின.. ஒரே வாரத்தில் அந்தப்படம் தியேட்டர்களில் இருந்த தூக்கப்பட 'பிரேமம்' படமோ 300 நாட்கள் தாண்டி ஓடி பல சாதனைகளை படைத்ததோடு மலையாள சினிமாவின் அதிக வசூல் பட பட்டியலில் 'த்ரிஷய்ம்' படத்துக்கு அடுத்த இடத்தை பிடித்தது.. இளம் நாயகர்களில் நிவின்பாலியை முன்னணி நம்பிக்கை நட்சத்திரமாகவும் ஆக்கியது..