இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
அல்சீமர் என்கிற நோய் பற்றி கேள்விப்பட்டு இருக்கிறீர்களா..? இந்த நோயால் பாதிக்கப்பட்டவர்கள் கொஞ்சம் கொஞ்சமாக தங்களது ஞாபகங்களை மறந்து தங்களது சுற்றுபுறத்தில் உழவர்களை, அவ்வளவு ஏன் குடும்பத்தினரை கூட மறந்துவிடும் நிலைக்கு ஆளாகி விடுவார்கள்.. கடந்த பத்து வருடங்களுக்கு முன்பு, மலையாளத்தில் 'தன்மாத்ரா' என்கிற படம் இதை மையப்படுத்தி வெளியானது. இந்தப்படத்தில் இப்படிப்பட்ட நோயினால் பாதிக்கப்பட்ட மத்திய வயது நபராக அற்புதமாக நடித்திருந்தார் மோகன்லால். நல்ல ஞாபக சக்தியுள்ள மோகன்லால் இந்த நோயின் பாதிப்புக்கு ஆளான பின்னர், தான் வேலை பார்க்கும் அலுவலகம் என்பதை மறந்து அங்கேயே குளித்துவிட்டு உள்ளாடையுடன் நடத்து வருவார் என்றால் இந்த நோயின் தாக்கத்தையும் அதில் அபாரமாக நடித்த மோகன்லாலின் நடிப்பையும் அறிந்துகொள்ளலாம்.
இந்தப்படத்திற்கு தேசிய விருதும், மோகன்லாலுக்கு சிறந்த நடிகருக்கான மாநில அரசு விருது உட்பட பல விருதுகளும் கிடைத்தன. இப்போது இந்தப்படத்தை இந்தியில் ரீமேக் செய்யும் பணிகளில் ஈடுபட்டுள்ளார் இயக்குனர் பிளஸ்சி.. மோகன்லால் நடித்த கேரக்டரில் ஒரு முன்னணி நடிகர் நடிக்க இருப்பதாகவும் ஸ்கிரிப்ட் பணிகள் முடிவடைந்தபின்னர் தான் அதுபற்றிய அதிகாரப்பூர்வமான தகவல்களை அறிவிப்பேன் எனவும் கூறியுள்ளார் இயக்குனர் பிளஸ்சி. அப்படியானால் இவர் பிருத்விராஜை வைத்து இயக்குவதாக அறிவிக்கப்பட்ட 'ஆடு ஜீவிதம்' அவ்வளவுதானா..? இல்லையில்லை. 'தன்மாத்ரா' ரீமேக்கை முடித்துவிட்டு இந்தப்படத்தை இயக்கவுள்ளாராம்.