Dinamalar

அட்டாக் படத்தின் டிரைலர் வெளியீடு விழா விபரம்!

தெலுங்கு நடிகர் மஞ்சு மனோஜ் அதிரடி நாயகனாக நடித்துள்ள அட்டாக் படத்தை டோலிவுட்டின் சர்ச்சை இயக்குனர் ராம் கோபால் வர்மா இயக்கியுள்ளார். இவன் வேற மாதிரி படத்தில் நடித்த சுரபி இப்படத்தில் நாயகியாக நடித்துள்ளார். இப்படத்தின் டிரைலர் வெளியீடு ஹைதராபாத்தில் உள்ள பிரசாத் லாபில் நேற்று நடைபெற்றது. இதில் நடிகர் மஞ்சு மனோஜ், இயக்குனர் ராம் கோபால் வர்மா, தயாரிப்பாளர் சி.கல்யாண் என பல பிரபலங்கள் கலந்து கொண்டனர்.

விழாவின் போது இயக்குனர் ராம் கோபால் வர்மா கூறுகையில், அண்மையில் வெளியான எனது படங்களைப் பார்த்த பலர் எனக்கு மனநலம் பாதிக்கப்படுள்ளதாகக் கூறுகின்றனர். சிவா படத்தை இயக்கிய ராம் கோபால் வர்மாவா இது போன்ற படங்களை இயக்குவது எனவும் கேட்கின்றனர். வழக்கமான திரைக்கதையிலிருந்து மாறி மாறுபட்ட திரைக்கதை கொண்ட படங்களை இயக்கி ஆய்வு மேற்கொண்டதாக ராம் கோபால் வர்மா கூறினார். மேலும் ரசிகர்களின் ரசனைக்கேற்ப ஒரு படம் இயக்க வேண்டும் என கல்யாண் கேட்டுக் கொண்டதற்கிணங்க இப்படத்தை இயக்கியதாகவும் அவர் கூறியுள்ளார்.ராம் கோபால் வர்மா இப்படத்தைத் தொடர்ந்து கில்லிங் வீரப்பன் என்ற படத்தை தெலுங்கு மற்றும் கன்னடத்தில் இயக்கி வருகின்றார்.

நடிகர் மஞ்சு மனோஜ் கூறுகையில், சிவா,ரங்கீலா போன்ற படங்களை இயக்கிய ராம் கோபால் வர்மாவின் ரசிகன் நான். அவருடன் இணைந்து பணியாற்ற வேண்டும் என விரும்பினேன். ராம் கோபால் வர்மா அட்டாக் படத்தின் கதையை என்னிடம் கூறியபோது நான் வியந்து விட்டேன். இப்படம் கண்டிப்பாக ரசிகர்களுக்குப் பிடிக்கும் என மஞ்சு மனோஜ் நம்பிக்கை தெரிவித்தார்.

இப்படத்தின் தயாரிப்பாளர் சி.கல்யாண் பேசுகையில், ராம் கோபால் வர்மா ஆய்விற்காக படங்களை இயக்குவதைப் பார்த்து அவரது கடின உழைப்பு வீணாவதாக அவரிடம் தினமும் சண்டை போடுவேன். ராம் கோபால் இப்படத்தை இயக்க வேண்டும் என நானே வலியுறுத்தினேன். இப்படம் வெளிவந்த பின்னர் டோலிவுட்டில் இப்படத்தைப் பற்றியே அனைவரும் பேசுவார்கள். இக்கதைக்கு ஏற்ற நடிகர் மஞ்சு மனோஜ் தான். இப்படத்தின் முதல் பிரதியைப் பார்த்த போது சில இடங்களில் திருத்தம் தேவைப்பட்டது. அதனால் மீண்டும் சில காட்சிகளை திரும்ப எடுத்தோம். அஞ்ஜியின் ஒளிப்பதிவு கண்டிப்பாக பேசப்படும். ராம் கோபால் வர்மா இப்படத்தின் வாயிலாக தனது பழைய வெற்றிப் பாதைக்கு திரும்ப நான் விரும்புகிறேன். இப்படத்தின் பாடல்கள் அடுத்த வாரம் வெளியிடப்படும். இப்படத்தை நவம்பர் மாதம் திரையிட திட்டமிட்டுள்ளோம் என்று கூறினார்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்