Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

ராம்சரண் பிறந்தநாள் கொண்டாட்டத்தை தவிர்த்த ஜூனியர் என்டிஆர் - அல்லு அர்ஜுன்

29 மார், 2023 - 16:08 IST
எழுத்தின் அளவு:
Jr-NTR,-Allu-Arjun-not-attend-Ramcharan-birthday

தெலுங்கு இளம் முன்னணி நடிகர் ராம்சரண் தற்போது தனது திரையுலக பயணத்தில் மிக முக்கியமான சந்தோஷ தருணத்தில் இருக்கிறார். ஒரு பக்கம் அவர் நடித்த ஆர்ஆர்ஆர் திரைப்படம் சமீபத்தில் ஆஸ்கர் விருதை அள்ளி வந்து விட்டது. இன்னொரு பக்கம் இயக்குனர் ஷங்கர் இயக்கத்தில் கேம் சேஞ்சர் என்கிற படத்தில் நடித்து வருகிறார். இந்த நிலையில் தனது 38வது வயதில் தற்போது அடி எடுத்து வைத்துள்ளார் ராம்சரண். இந்த பிறந்தநாளையும் ஆர்ஆர்ஆர் படம் ஆஸ்கர் விருது வென்ற மகிழ்ச்சியையும் ஒன்று சேர கொண்டாடுவது போல தெலுங்கு திரை உலகை சேர்ந்த பலரும் ராம்சரணின் பிறந்தநாள் கொண்டாட்டத்தில் கலந்து கொண்டனர்.

குறிப்பாக இயக்குனர் ராஜமவுலி, இசையமைப்பாளர் மரகதமணி உள்ளிட்ட ஆர்ஆர்ஆர் பட குழுவினர் பெரும்பாலும் இந்த நிகழ்வில் கலந்து கொண்டனர்.. அதேசமயம் இந்த படத்தில் இன்னொரு கதாநாயகனாக நடித்த ஆர்ஆர்ஆர் படப்பிடிப்பு சமயத்திலிருந்து, ஆஸ்கர் விருது நிகழ்ச்சிக்கான புரமோஷன் வரை நகமும் சதையுமாக பழகிய ஜூனியர் என்டிஆர் கலந்து கொள்ளாதது திரையுலக வட்டாரத்தில் ஆச்சர்யத்தை ஏற்படுத்தியுள்ளது. அதே சமயம் ஜூனியர் என்டிஆரும் தனது சோசியல் மீடியா பக்கத்தில் ராம்சரணுக்கு வாழ்த்து தெரிவித்ததோடு நின்றுவிட்டார்.

ஆர்ஆர்ஆர் படத்திற்கு முன்னதாக இவர்கள் இருவரது குடும்பத்திற்கும் நிலவி வந்த ஒரு பகைமை தோற்றம் காரணமாக இருவரும் நெருங்கி பழகவில்லை என்பது உண்மை. ஆர்ஆர்ஆர் படத்திற்கு பின்னர் தான் இவர்கள் நட்பானார்கள். ஆனால் சமீபத்தில் நடந்த ஆஸ்கர் புரமோஷன் நிகழ்ச்சிகள் மற்றும் ஆஸ்கர் விருது வழங்கும் விழா நிகழ்வு உள்ளிட்டவற்றில் ராம் சரண் மட்டுமே முன்னிலைப்படுத்தப்பட்டு பாராட்டுக்களையும் புகழையும் அவர் மட்டுமே சொந்தமாக்கிக் கொண்டார் என்று ஜூனியர் என்டிஆர் கருதுகிறார் என்றும், அதனால் தான் இந்த பிறந்தநாள் கொண்டாட்டத்தில் பங்கேற்காமல் தவிர்த்து விட்டார் என்றும் சொல்லப்படுகிறது. அதேசமயம் ராம்சரனின் பிறந்தநாள் அன்றுதான் ஜூனியர் என்.டி.ஆரின் மனைவி லட்சுமி பிரணதியின் பிறந்தநாளும் என்பதால் அவர் ராம்சரணின் பிறந்தநாள் கொண்டாட்டத்தில் கலந்துகொள்ளவில்லை என்றும் இன்னொரு தரப்பினர் கூறுகின்றனர்.

அதேபோல சிரஞ்சீவி வீட்டில் நடைபெறும் சாதாரண விசேஷங்களில் கூட முதல் ஆளாக பங்கெடுத்துக் கொள்ளும் உறவுக்காரரான அல்லு அர்ஜுன் ராம்சரணின் இந்த பிறந்தநாள் கொண்டாட்டத்தில் கலந்து கொள்ளவில்லை. சிலர் அவர் புஷ்பா 2 படபாதிப்பில் பிஸியாக இருப்பதால் வரவில்லை என்று கூறினாலும், அந்த படத்தின் இயக்குனர் சுகுமாரே ராம்சரண் பிறந்தநாள் கொண்டாட்டத்தில் கலந்து கொண்டார் என்பதும் இங்கே குறிப்பிடத்தக்கது.

Advertisement
கருத்துகள் (0) கருத்தைப் பதிவு செய்ய
மகேஷ் பாபு நடிக்கும் படம் : டைட்டிலுக்கு முன்பே ரிலீஸ் தேதி அறிவிப்புமகேஷ் பாபு நடிக்கும் படம் : ... இறப்பதற்கு முன் மஞ்சு வாரியரிடம் இன்னொசென்ட் சொன்ன கடைசி வார்த்தை இறப்பதற்கு முன் மஞ்சு வாரியரிடம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in