ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் |
பாலிவுட் நடிகை நபீஸா அலி. மேஜர் சாப், யம்லா பக்லா தீவானா, பிக்பாஸ், ஜூனுன் உள்பட பல படங்களில் நடித்துள்ளார். மேற்கு வங்கத்தை சேர்ந்த அவர், அந்த மாநில படங்களிலும் நடித்துள்ளார். நடிகை மட்டுமில்லாமல் சிறந்த எழுத்தாளராகவும், சமூக செயல்பாட்டாளராகவும் உள்ளார். காங்கிரஸ் கட்சியில் இணைந்து அரசியல் பணியும் ஆற்றி வருகிறார். கணவர் ஆர்.எல்.ஜோதி, பிரபல போலோ விளையாட்டு வீரர். இவர்களுக்கு அஜீத் ஜோதி என்ற மகன் உள்ளார்.
61 வயதாகும் நபீஸா அலிக்கு புற்றுநோய் பாதிப்பு இருப்பது கண்டுபிடிக்கப்பட்டுள்ளது. இதற்காக அவர் சிகிச்சை எடுத்து வந்துள்ளார். ஆனால் யாருக்கும் தெரியவில்லை. சமீபத்தில் காங்கிரஸ் முன்னாள் தலைவர் சோனியா, அவரை சந்தித்து உடல் நலம் விசாரித்துள்ளார். அந்த புகைப்படத்தை தனது சமூக வலைத்தளத்தில் வெளியிட்டு, தனக்கு புற்று நோய் தாக்குதல் ஏற்பட்டிருப்பதை நபீஸா அலி தெரிவித்துள்ளார். இதனால் பாலிவுட் திரையுலகமும், டில்லி அரசியல் ஏரியாவும் அதிர்ச்சி அடைந்துள்ளது.
ஏற்கெனவே நடிகை மனீஷா கொய்ராலா, சோனாலி பிந்த்ரே ஆகியோர் புற்றுநோயால் பாதிக்கப்பட்டுள்ளனர். நடிகர் இர்பான்கானும் புற்று நோய்க்கு சிகிச்சை பெற்று வருகிறார். இந்த நிலையில் நபீஸா அலிக்கும் புற்று நோய் தாக்குதல் வந்திருக்கிறது.