ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
2017ம் ஆண்டில் தெலுங்குத் திரையுலகத்தில் ரூ.50 கோடிக்கு வசூலித்து பெரிய வெற்றி பெற்ற படம் 'அர்ஜுன் ரெட்டி'. இப்படத்தின் வசூல் இந்தியத் திரையுலகினரை வியக்க வைத்தது. இப்படத்தின் ரீமேக்கை உடனடியாக வாங்கி தமிழில் 'வர்மா' என்ற பெயரில் பாலா இயக்க ஆரம்பித்துவிட்டார். விக்ரம் மகன் துருவ் இப்படத்தில் கதாநாயகனாக அறிமுகமாகிறார்.
இப்போது இப்படத்தின் ஹிந்தி ரீமேக்கில் நடிக்க ஷாகித் கபூர் சம்மதித்துவிட்டார் எனத் தகவல் வெளியாகியுள்ளது. இப்படத்தின் ரீமேக் உரிமைக்காகப் பலரும் போட்டி போட்டார்கள். கடைசியில் 7 கோடி ரூபாய்க்கு இப்படத்தின் ஹிந்தி உரிமை விற்கப்பட்டது. சாதாரணமாக 2 அல்லது மூன்று கோடி ரூபாய் தான் விலை போகும். ஆனால், படம் பெரிய வெற்றி பெற்றதால் தயாரிப்பாளர்கள் அந்த விலையைக் குறைக்கவில்லை என்கிறார்கள்.
தெலுங்கில் படத்தை இயக்கிய சந்தீப் வங்கா தான் ஹிந்தி ரீமேக்கையும் இயக்கப் போகிறாராம். ஹிந்திக்காக கதையில் சில மாற்றங்களை செய்ய உள்ளார்கள். படத்தில் நாயகியாக நடிக்கும் நாயகி தேர்வும் நடந்து வருகிறது. விரைவில் அறிவிப்பு வெளியாகலாம்.