விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு | ரஜினியை சந்தித்து ஆசி பெற்ற சாய் தன்ஷிகா பட ஹீரோ | ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் |
1995-ம் ஆண்டு வெளிவந்த ஹிந்திப் படம் வீர்காடி. இந்தப் படத்தில் சல்மான்கான் ஜோடியாக நடித்தவர் பூஜா தட்வால். அதன்பிறகு இந்துஸ்தான், சித்தூர் கி சவுகாந்த் உள்பட பல படங்களில் நடித்தார். சரியான வாய்ப்புகள் இல்லாததால் சினிமாவை விட்டு விலகிய பூஜா, தன் காதலரை திருமணம் செய்து கொண்டு கோவாவில் செட்டிலானார்.
கோவாவில் சாதாரண வாழ்க்கை வாழ்ந்து வந்த பூஜாவுக்கு திடீரென காசநோய் ஏற்பட்டது. இதற்காக கடந்த சில ஆண்டுகளாக சிகிச்சை பெற்று வந்திருக்கிறார். நோய் முற்றிவிடவே அவரை மும்பை மருத்துவனையில் சேர்த்த கணவர், அவரை பராமரிக்க முடியாமல் ஆஸ்பத்திரியிலேயே விட்டு விட்டு சென்று விட்டார். இதனால் சாப்பாடு வாங்கவும், மருந்து வாங்கவும் பணமில்லாமல் தவித்து வருகிறார் பூஜா.
அங்குள்ளவர்கள் அவருக்கு சாப்பாடும், மருந்தும் வாங்கி கொடுத்து வருகிறார்கள். அவரது இந்த நிலைகுறித்து அவரை பேச வைத்து அதனை வீடியோவாக வெளியிட்டிருக்கிறார்கள். அதில் அவர் தனக்கு உதவ சல்மான்கானை தொடர்பு கொள்ள முயற்சித்ததாவும் அது நடக்கவில்லை என்றும் தெரிவித்திருக்கிறார். இந்த வீடியோ இப்போது வைரலாக பரவி வருகிறது.
பூஜாவின் நிலையை கண்டு சல்மான் உதவுவாரா.?