மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
ஹிந்தி ரசிகர்களை மட்டுமல்லாது, இந்தியாவில் உள்ள பல ரசிகர்களையும் கவர்ந்த ஒரு பாடல் 'தேசாப்' படத்தில் இடம் பெற்ற 'ஏக் தோ தீன்'. 1988ம் ஆண்டு வெளிவந்த அந்தப் படம் தமிழ்நாட்டில் கூட வெற்றிகரமாக ஓடியது.
அந்த 'ஏக் தோ தீன்' பாடலுக்கு மாதுரி தீட்சித் ஆடிய அட்டகாசமான நடனம் இன்றைக்கும் பலருக்கு உடனே ஞாபகம் வரும் காட்சியாகவே இருக்கும். அப்படி ஒரு அசத்தலான நடனத்தை மாதுரி தீட்சித் ஆடியிருப்பார். அந்தப் பாடல் அவருக்குப் பெரிய பேரையும், புகழையும் தேடிக் கொடுத்தது.
அந்தப் பாடலை மார்ச் 30ம் தேதி வெளியாக உள்ள 'பாகி 2' படத்திற்காக மீண்டும் பயன்படுத்தியிருக்கிறார்கள். இந்தப் பாடலின் டீசர் கடந்த வாரம் வெளியான நிலையில் இன்று காலை பாடலின் ஒன்றரை நிமிடப் பாடல் வீடியோ யு டியூபில் வெளியிடப்பட்டது. மாதுரி தீட்சித் ஆடிய பாடலுக்கு 'பாகி 2' படத்தில் ஜாக்குலின் பெர்னாண்டஸ் ஆடியிருக்கிறார்.
கவர்ச்சிகரமான உடையுடன், வேகமான நடன அசைவுகளுடன் ஜாக்குலின் ஆடியிருக்கும் இந்த நடனம் மாதுரி தீட்சித் நடனத்தை கண்டிப்பாக மிஞ்ச முடியாது என்பதே மாதுரி தீட்சித் ரசிகர்களின் எண்ணமாக இருக்கிறது.