இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
கடந்த இரண்டு வருடங்களுக்கு முன் மலையாளத்தில் சின்ன பட்ஜெட்டில் வெளியாகி மிகப்பெரிய வெற்றியை பெற்ற படம் 'ஹெலன்'. மாத்துக்குட்டி சேவியர் என்பவர் இந்தப்படத்தை இயக்கி இருந்தார். அன்னா பென் என்பவர் கதாநாயகியாக நடித்திருந்தார். இதன் தமிழ் ரீமேக்கில் அருண் பாண்டியன் மகள் கீர்த்தி பாண்டியன் நடிக்க, அன்பிற்கினியாள் என்கிற பெயரில் இயக்குனர் கோகுல் இயக்கத்தில் இந்த வருடம் வெளியானது.
இந்தப்படத்தின் தெலுங்கு ரீமேக்கில் கதாநாயகியாக அனுபமா பரமேஸ்வரன் நடிக்கிறார். இன்னொரு பக்கம் இந்தப்படத்தின் ஹிந்தி ரீமேக்கான 'மிலி'யில் ஸ்ரீதேவியின் மகள் ஜான்வி கபூர் நடித்துள்ளார். மலையாளத்தில் ஹெலனை இயக்கிய மாத்துக்குட்டி சேவியரே ஹிந்தியிலும் இயக்கியுள்ளார். போனி கபூர் தயாரித்துள்ளார்.
சமீபத்தில் இதன் படப்பிடிப்பை முடித்துள்ளார் ஜான்வி கபூர். “இப்படிப்பட்ட அற்புதமான ஒரு இயக்குனருடன் இணைந்து பயணித்தது நல்ல அனுபவம்” என அவருக்கு நன்றி கூறியுள்ளார் ஜான்வி கபூர்.
அதேபோல மாத்துக்குட்டி சேவியரும், ஜான்வி கபூர் சிறப்பாக ஒத்துழைத்து நடித்ததை பாராட்டும் விதமாக, ‛‛நீங்கள் இல்லையென்றால் நான் ரொம்பவே கவலைப்பட்டு போயிருப்பேன்.. நீங்கள் எனக்காக செய்த எல்லாவற்றுக்கும் நன்றி.. இதை ஒருபோதும் மறக்க மாட்டேன் நன்றி'' என தெரிவித்துள்ளார்.